အရှင်ဘုရား သာသနာငါးထောင်ဆိုသည်မှာ မြတ်စွာဘုရား ထားခဲ့သည်စကား ဖြစ်ပါသလား၊
သို့မဟုတ်-ရှေးဆရာကြီးတို့စကား ဖြစ်ပါသလား၊
မည်သူတွေက သတ်မှတ်ထားခဲ့ပါသနည်း၊ သိလိုပါသည်ဘုရား။
( အရှင်ဆေက-ကလေးမြို့ )

( ဖြေ )
သာသနာငါးထောင် ပိုင်းခြားမှုမှာ မြတ်စွာဘုရားရှင် ပိုင်းခြားဟောကြားခဲ့သည် မဟုတ်ပါ၊
ဘုရားရှင်၏ တရားနှင့်အညီ အဋ္ဌကထာဆရာကြီးများ ဖွင့်ပြထားခြင်းသာ ဖြစ်ပါသည်။
ဘုရားရှင်က ပရိယတ် ပိဋကတ်တရားများ ရှိနေသ၍ ပဋိပတ်အကျင့်မြတ် ရှိနေမည်၊
ပရိယတ်စာပေလည်း မသင်ကြား၊ ပဋိပတ်အကျင့်လည်း မကျင့်ကြတော့လျှင် သာသနာကွယ်မည် စသည်ဖြင့်သာ ဟောကြားခဲ့ပါသည်၊
နှစ်အပိုင်းအခြား ဟောကြားထားခြင်း မရှိပါ၊ သိုပသော် ဘုရားရှင်၏ တရားနှင့် ညီညွတ်အောင် အဋ္ဌကထာဆရာ ကြီးများ သာသနာငါးထောင် ပိုင်းခြားထားမှု ရှိခဲ့သည်။

ထိုပိုင်းခြားမှုမှာ ၀ိနည်းနှင့် အင်္ဂုတ္တိုရ် အဋ္ဌကထာများအလို-
၁။ ပဋိသမ္ဘိဒါပတ္တ (ရဟန္တာခေတ်-၀ိမုတ္တိခေတ်) တထောင်။
၂။ ဈာန်မရသော သုက္ခ၀ိပဿက ((ရဟန္တာခေတ်-၀ိမုတ္တိခေတ်) တထောင်။
၃။ အနာဂါမ် အရိယာခေတ် တထောင်။
၎။ သကဒါဂါမ် အရိယာခေတ် တထောင်။
၅။ သောတာပန် အရိယာခေတ် တထောင်။ဟု၎င်း။

ဒီဃနိကာယ် အဋ္ဌကထာအလို-
၁။ ပဋိသမ္ဘိဒါပတ္တ (ရဟန္တာခေတ်-၀ိမုတ္တိခေတ်) တထောင်။
၂။ ဆဠာဘိည (ရဟန္တာခေတ်-၀ိမုတ္တိခေတ်) တထောင်။
၃။ တေ၀ိဇ္ဇက (ရဟန္တာခေတ်-၀ိမုတ္တိခေတ်) တထောင်။
၎။ သုက္ခ၀ိပဿက (ရဟန္တာခေတ်-၀ိမုတ္တိခေတ်) တထောင်။
၅။ ပါတိမောက္ခသံဝရသီလခေတ် တထောင်-ဟု၎င်း ပိုင်းခြားသတ်မှတ်ခဲ့ပါသည်။