“ဗုဒ္ဓဝါဒ ဘဝကူးပုံ”
•••••••••••••••••••••••••••
လောက၌ “အခက်ကြီး ၄ပါး” ရှိပါသည်။
(၁)သစ္စာလေးပါးကို နားလည်အောင်ရှင်းပြရန် ခက်ပါသည်။
(၂)သင်္ခါရတရားများကို သတ္တဝါဟု ထင်နေသည့်
အတွက်ကြောင့် သင်္ခါရတရားတို့၏ သတ္တသုညဖြစ်ပုံကို
သင်္ခါရတရားတို့ကို သတ္တဝါနှင့်စပ်၍ နားလည်အောင်
ရှင်းပြဖို့ ခက်ပါသည်။
(၃)တစ်ဘဝ စုတေ၍ နောင်ဘဝသို့ ရောက်ရှိခြင်း
ဆိုသော ဘဝနှစ်ခု ဆက်စပ်မှု ပဋိသန္ဓေကို
နားလည်အောင် ရှင်းပြရန် ခက်ပါသည်။
(၄)ပဋိစ္စသမုပ္ပာဒ်ကိုလည်း နားလည်အောင်
ရှင်းပြဖို့ ခက်ပါသည်။
-(ဝိသုဒ္ဓိမဂ်)

ဗုဒ္ဓဘာသာဝင်တို့သည် ကမ္မသတ္တိသဘောကို
ယုံကြည်ကြပါသည်။ထို့ကြောင့် ကမ္မသတ္တိကြောင့်
နောင် ဘဝသို့ရောက်ရှိခြင်း သံသရာလည်ရခြင်းကို
လက်ခံကြပါသည်။ သို့သော် အမြင်မရှင်းကြပါ။

“သာသနာပ အတ္တအယူအဆ ဘဝကူးပုံ”
•••••••••••••••••••••••••••••••••••••••••••
သာသနာပ ဗြာဟ္မဏဝါဒတွင်လည်း ကမ္မဝါဒကို
ယုံကြည်မှုများ ရှိကြပါသည်။ နောင်ဘဝသံသရာကို
ယုံကြည်ကြပါသည်။ သူတို့ ယုံကြည်မှုသည်ကား
“အတ္တ”ကို အခြေခံသောယုံကြည်မှုဖြစ်သည်။
ကံပြုသူ မှာ “အတ္တ”သာဖြစ်၍ ထိုကံ၏အကျိုးကို
ခံစားသူမှာ လည်း “အတ္တ”သာ ဖြစ်သည်။
သို့ဖြစ်၍ “အတ္တ”လေး သည် အစွမ်းအစရှိသော
“နိစ္စ”တရား ဖြစ်လေသည်။
ပုဂ္ဂိုလ်၊သတ္တဝါဆိုသော ဤကိုယ်ကောင်သည် သေတတ်သည်။
မမြဲ။ ထိုပုဂ္ဂိုလ်သတ္တဝါအတွင်း အမြုတေ အဖြစ်ကိန်းနေသော
အတ္တ သည်ကား မသေ။ မြဲ၏။
ထို့ကြောင့် ဘဝသံသရာကို ကမ္မသတ္တိအလျောက်
“အတ္တ”လေးက တစ်ဘဝပြီးတစ်ဘဝ ပြောင်း၍
ကျင်လည်နေလေ၏။ ထို “အတ္တ”လေးသည် နှစ်မျိုးရှိ၏။
“ပရမအတ္တ” နှင့်“ဇီဝအတ္တ”ဟူ၍ ဖြစ်၏။
ထို “ပရမအတ္တ”ကို “မဟာ ဗြဟ္မာ၊ ပဇာပတိ၊
ဣသရ၊ ပရမအတ္တ ၊ မဟာတ္မ၊ မဟာအတ္တ”
စသည်ဖြင့် ခေါ်ကြ၏။

ထိုမဟာဗြဟ္မာကြီးသည် သတ္တဝါများကို ဖန်ဆင်းပြီး၊
သတ္တဝါများ၏ခန္ဓာအတွင်း၌ “အတ္တ”ကလေးအသီးသီး
ထည့်ပေးလိုက်၏၊
-(ချမ်းမြေ့ဆရာတော်၊ ဆင်းရဲ ငြိမ်းအေးချမ်းသာရေးတရား)
ဤကား အကြမ်းဖျင်း နားလည်လွယ်အောင် ပြောခြင်းသာ
ဖြစ်၏။အချို့ဟိန္ဒူကျမ်းများတွင် “အတ္တ အယူအဆ”မှာ
ပို၍သိမ်မွေ့ပါသည်။ သတ္တဝါတို့၏ခန္ဓာကိုယ်ထဲတွင်
အတ္တကလေး ရှိနေမှ သွားလာ လှုပ်ရှား
အသက်ရှင်နိုင်ပါသည်။
သို့ဖြစ်၍ သတ္တဝါများ သွားလာလှုပ်ရှားနိုင်အောင်၊
အသက်ရှင်နိုင်အောင် မဟာဗြဟ္မာက ထည့်ပေးလိုက်သော
အတ္တကို “ဇီဝအတ္တ”ဟု ခေါ်လေသည်။
ထို့ကြောင့် “ဇီဝအတ္တ”သည် မဟာဗြဟ္မာ၏
အစိတ်အပိုင်းလေး ဖြစ်သည်။ “ဇီဝအတ္တ”ကို
အသက်၊ လိပ်ပြာ၊ ဝိညာဉ်ဟု ခေါ်ကြ၏။

●ထိုဇီဝအတ္တ၊လိပ်ပြာ၊ဝိညာဉ်လေး ခန္ဓာကိုယ်မှ
ထွက်သွားခြင်းကို “သတ္တဝါသေသည်” ဟု ခေါ် ၏။
●သတ္တဝါ သေသော်လည်း ထိုဝိညာဉ်လေးက
နောက်ခန္ဓာတစ်ခုထဲသို့ ဝင်ရောက်သွား၏။
ဤသည် ကို “ပဋိသန္ဓေနေသည်” ဟု ခေါ်၏။
●ဝင်ကစွပ်ကောင်များကဲ့သို့ ခန္ဓာအိမ်တစ်ခုကို
ထားခဲ့ပြီး၊အခြားခန္ဓာအိမ်တစ်ခုထဲသို့
ပြောင်းရွှေ့နေထိုင်၏။
●အတ္တလိပ်ပြာဝိညာဉ်ကလေးသည် ခန္ဓာဟောင်း ကိုစွန့်၍
ခန္ဓာအိမ်အသစ်ကို မတွေ့သေးလျှင် ဝိညာဉ်လေးသည်
ကြားကာလတစ်ခု၌ ကျင်လည်နေသေး၏။
●တိဗက်တို့က ကြားကာလ (၄၉)ရက်ခန့် ကျင်လည်
နေသေးသည် ဟု ယူဆ၏။
●ဤကား “သာသနာပ အတ္တအယူအဆ ဘဝကူးပုံ”ဖြစ်သည်။

“ဗုဒ္ဓဝါဒ ဘဝကူးပုံ”
••••••••••••••••••••••
ဗုဒ္ဓဝါဒတွင် “အတ္တ”အယူအဆ မရှိပါ။
ဗုဒ္ဓက “အတ္တ”မရှိ၊ “အနတ္တ”ဟုသာ ဟောပါသည်။
သို့သော် ဗုဒ္ဓဘာသာဝင်အချို့က ပါးစပ်က
“အနတ္တ”ပြောသော် လည်း “အတ္တ”အယူအဆ
မကင်းကြသေးပါ။ လူသေ သောအခါ. . .
●လိပ်ပြာဖြတ်ခြင်း၊
●ဘဝကူးကောင်းအောင် ကုတို့ခထည့်ပေးခြင်း၊
●ဝိညာဉ်လေးသည် အိမ်နားတွင် ခုနစ်ရက်ခန့် နေခြင်း
စသည့်အယူအဆများကို လက်ခံနေကြပြန်သေးသည်။
မဟာယာန ဗုဒ္ဓဘာသာ ဆိုလျှင် “အတ္တ”အယူဝါဒ
လွှမ်းမိုးထားကြလေပြီ ဖြစ် သည်။
ထေရဝါဒဗုဒ္ဓ ဘာသာတွင် “အတ္တ” အယူအဆလုံးဝ မရှိ။
သတ္တဝါ ဆိုသည်မှာ ခန္ဓာငါးပါးအစုအဝေးသာ ဖြစ်သည်။
ထိုခန္ဓာငါးပါးသည် အကြောင်းအထောက် အပံ့ကြောင့်သာ
အခိုက်အတန့်ဖြစ်ပေါ်လာပြီး ပျက်သွားရသော
သင်္ခတ တရားများသာ ဖြစ်သည်။
ဤသို့ အကြောင်းအထောက်အပံ့များကြောင့်သာ
ဖြစ်လာရသော ခန္ဓာငါးပါးသည် မည်သို့သောအစွမ်းအစမျိုး
ရှိပါတော့မည်နည်း။ မည်သို့ အမြဲတည်နေ နိုင်ပါတော့မည်နည်း။
သူတို့ကိုယ်တိုင်က အခြားတစ်ခု ကို မှီခိုနေရပေသည်။
အကြောင်းတရားများသည်လည်း အခြားအကြောင်းတစ်ခုကို
မှီခိုရပြန်သည်။ဤသို့ ပတ်ချာလည်မှီခိုနေရသော
အကြောင်း အကျိုးသဘာဝသာ ရှိ၍ မူလအစဆိုသော
အကြောင်း အကျိုး မရှိပေ။ ဤကား “ပဋိစ္စသမုပ္ပာဒ်”ဖြစ်သည်။

သို့ဆိုလျှင် “အတ္တ”မည်သို့ရှိနိုင်ပါတော့မည်နည်း။
ခန္ဓာငါးပါးသည် အကြောင်းတရားများပေါ် မှီတည် နေရသော
အကျိုးတရားဖြစ်ပျက်၊ “ဒုက္ခသစ္စာ” သာ ဖြစ်သည်။
ဖြစ်ပျက် သန္တတိ အစဉ်တန်းအနေဖြင့်သာ ရှိနေပေသည်။
ထိုဖြစ်ချုပ်အစဉ်တန်း၏လျင်မြန်မှုကြောင့် သာမန်မျက်စိဖြင့်
မမြင်ရတော့ချေ။ ထို့ကြောင့် သတ္တဝါ ဟာ အမြဲရှိနေသည်ဟု
ထင်နေကြကုန်သည်။ ဤကား မှားယွင်းချွတ်ချော်စွာ
မြင်နေသော “ဝိပ္ပလ္လာသတရား” သာ ဖြစ်သည်။
အကယ်၍ ရုပ်တရားသည် အတ္တကဲ့သို့ အမြဲရှိ သော
နိစ္စတရားသာဆိုလျှင် မွေးကင်းစရုပ်သည် ကြီးလာစရာ
အကြောင်း မရှိပေ။ မွေးကင်းစရုပ်များ လုံးဝ ပျက်စီး
ပျောက်ကွယ်မှသာ နောက်ထပ် ရုပ်သစ်များ အစားထိုးပြီး၊
လူကောင် ကြီးလာရခြင်းဖြစ်သည်။

အမှန်တကယ်တွင် . . .
●မနေ့က ရုပ်သည် ဤနေ့ မရှိတော့ပါ။
●စောစောက ရုပ်သည် အခုမရှိတော့ပါ။
●စာတစ်လုံးကို စ,ရေးနေသော ပညာသီရိသည်
ဒုတိယ တစ်လုံးတွင် မရှိတော့ပါ။
●ဒုတိယတစ်လုံးကို ဆက်ရေးနေသော ပညာသီရိသည်
အသစ်ဖြစ်သော ပညာသီရိသာ ဖြစ်သည်။
●ပထမပညာသီရိ၏ အကြောင်း အထောက်အပံ့ကြောင့်သာ
ဒုတိယပညာသီရိ ဖြစ်လာရပေသည်။
အကြောင်း၊ အကျိုးသဘောသာ ဖြစ်သည်။
ဤသည်ကို တစ်ဘဝအတွင်းမှာတော့
တစ်ယောက်တည်းဟု ခေါ်နေရခြင်းဖြစ်သည်။
ဤသဘောတရားကို နားလည်လျှင် “ဘဝကူးသည်”
ဆိုသည်ကို နားလည်နိုင်ပေသည်။
ဒီတစ်ဘဝ တည်းမှာပင် လူတစ်ယောက်ဟာ
ပရတ်သဘောအရ အကြိမ်ကြိမ် သေလိုက်၊
မွေးလိုက်ဖြစ်နေလျှင်၊သေပြီး နောင်ဘဝ
ဆိုတာကိုကော ဘာများ ကူးပြောင်းသွားနိုင်ပါမည်နည်း။

လူတစ်ယောက် သေပြီဆိုလျှင် ဤဘဝမှာတင်
ရုပ်နာမ်အားလုံး ချုပ်၍ နောင်ဘဝသို့ ဘာမှမကူးပါ။
ဤနေရာ၌ သံသယဖြစ်စရာတွေနှင့် ရှုပ်ထွေးကုန်ကြတော့သည်။
ဒီဘဝက ဘာမှမကူးလျှင် ဟိုဘဝဆိုတာ ဘယ်လိုဖြစ်လာပါသလဲ။
အချို့အရာတွေက ပုဂ္ဂိုလ်၊ သတ္တဝါ ဆိုသော အခြေခံအစွဲစိတ်နှင့်
စဉ်းစားလျှင် အဖြေမရဘဲ ပိုရှုပ်တတ်ပါသည်။
ရုပ်နာမ် ပရမတ်ဖြစ်စဉ်ကိုသာ စဉ်းစားပါက အဖြေရပါ၏။
သို့သော် အများစုကတော့ ပုဂ္ဂိုလ်၊သတ္တဝါဆိုတဲ့
အသိစိတ်ဖြင့် တွေးတတ်ကြသည်။
ရေးခဲ့ဖူးသော ဥပမာလေး ပြန်သုံးပါမည်။

❦လိုဏ်ဂူတစ်ခုထဲဝင်၍ အော်လိုက်လျှင်
ပဲ့တင်သံ ဖြစ်လာပါသည်။
ပဲ့တင်သံသည် မူလအသံ မဟုတ်တော့ပါ။
နောက် အသစ်ဖြစ်လာသော ဒုတိယအသံ ဖြစ်သည်။
ထို အသစ်ဖြစ်လာသော ပဲ့တင်သံသည် ပထမအော်လိုက်သော
အသံကို အကြောင်းပြု၍ဖြစ် လာရခြင်း ဖြစ်သည်။
ပထမအော်လိုက်သော အသံ သည် အော်,အော်ပြီးချင်း
ပျောက်သွားပါသည်။ နောက်ပဲ့တင်သံကသာ
ဆက်လက်ဖြစ်ပေါ်နေရသည်။ သို့ဆိုလျှင် ပထမအသံနှင့်
ဒုတိယအသံ လုံးဝမတူတော့ပါ။
ထိုသဘောတရားအတိုင်း ဖြစ်ပါသည်။

❦ခန္ဓာငါးပါး အစုဖြစ်သော လူသေသောအခါ
ဒီဘက်က စုတိ သေစိတ်ဖြစ်သည်နှင့်
“အကြားမရှိဘဲ” ပြုလုပ်ခဲ့သော ကံကြောင့်
ဟိုဘက်ဘဝတွင် ပဋိသန္ဓေစိတ်အသစ် သွားဖြစ်ပါသည်။
ဤမှာဘက်မှ ရုပ်ရော၊နာမ်ရော တစ်ခုမျှ ကူးမသွားပါ။
ဟိုမှာဘက်ဘဝ၌ ရုပ်၊ နာမ် အသစ်ဖြစ်ခြင်းသာ ဖြစ်သည်။
“စုတိ” ဆိုသော သေသည်နှင့်တစ်ပြိုင်နက်
နောင် ဘဝအသစ် ဖြစ်ရပါသည်။
ဘဝအသစ်မဖြစ်မီ “ကြားဘဝ” တစ်ခု၌ ကျင်လည်စရာလည်း
မလိုတော့ပါ။ အချို့ ဗုဒ္ဓဘာသာဝင်များ ယူဆသလို
အိမ်နား၌ ဝိညာဉ်ဘဝ နှင့် ခုနစ်ရက်နေစရာလည်း မလိုတော့ပါ။
အစွဲအလမ်း ကြောင့် အိမ်အနား၌ ပြိတ္တာဖြစ်နေလျှင်လည်း
ဤ သည်မှာ “ဘဝအသစ်”ရနေခြင်းသာ ဖြစ်ပါသည်။

ထို ဘဝအသစ်၌ ရုပ်ရော နာမ်ပါ အပြည့်အစုံရှိပါသည်။
ဝိညာဉ်လေးဆိုသည်မှာ အယူလွဲမှုသာ ဖြစ်ပါသည်။
အချို့ လူဝင်စား ဆိုသူများသည် ဟိုဘက်ဘဝမှ
ဒီဘက်ဘဝသို့ ရောက်လာပုံကို ပြောတတ်ကြပါသည်။
“သား အမေ့ဗိုက်ထဲကို ရေခွက်က တစ်ဆင့် ဝင်လာတာ၊
သား နေစရာမရှိလို့ လျှောက်သွားနေတုန်း အမေ့ကို
လမ်းမှာတွေ့တယ်။ ဒါနဲ့ အမေ့နောက်ကို အသာလေး
လိုက်ခဲ့ပြီး အမေ ရေသောက်တော့ အသာလေး
ခွက်ထဲ ဝင်နေလိုက်တာ၊ ဒီလိုနဲ့ အမေ့သား ဖြစ်လာတာ”
ဒီလိုအဖြစ်အပျက်မျိုး၊ ဇာတ်လမ်းမျိုး မကြာခဏ ကြားဖူးကြပေမည်။
ဤနေရာ၌ မယူဆတတ်၍ လွဲပါတော့သည်။
အခုပြောခဲ့သောဇာတ်လမ်းကို ကြည့်ပါ။
အတ္တ၊ လိပ်ပြာ၊ ဝိညာဉ်ဝါဒနှင့် တူနေပါသည်။
ပြောသည့်သူကလည်း မလိမ်ပါ။
သူ မှတ်မိတာကို ပြန်ပြောနေခြင်းသာ ဖြစ်ပါသည်။
သို့ဆိုလျှင် လူသေ သောအခါ နောင်ဘဝအသစ် မရမီ
လျှောက်သွားနေ သော လိပ်ပြာ၊ ဝိညာဉ်သည်
အမှန်တကယ်ရှိနေပါ သလား။ မရှိပါ။ လုံးဝ မရှိပါ။
မြတ်စွာဘုရားသည် “အတ္တ၊ လိပ်ပြာ၊ ဝိညာဉ် မရှိ”ဟု
အတိအလင်းဟောထားပြီး ဖြစ်၏။
သို့ဆိုလျှင် အထက်ပါဇာတ်လမ်းကို မည်သို့ယူဆရပေမည်နည်း။
သတ္တဝါများတွင် မသေခင်၊သေခါနီး မရဏာသန္နဇော အချိန်၌
“ကံ၊ ကမ္မနိမိတ်၊ ဂတိနိမိတ်” ဖြစ်ပေါ်ရပါသည်။

“■ကံနိမိတ်” ဆိုသည်မှာ မိမိ
ကုသိုလ်၊အကုသိုလ် ပြုခဲ့စဉ် စိတ်ခံစားချက်မျိုး ဖြစ်သည်။
ကံနိမိတ်ကို ယူသူသည် ထိုခံစားချက်မျိုး
သေခါနီး၌ ပြန်ခံစားရပါသည်။

■“ကမ္မနိမိတ်” ဆိုသည်မှာ ကုသိုလ်၊
အကုသိုလ် ပြုခဲ့စဉ်က အခြံရံပစ္စည်း၊ ပုဂ္ဂိုလ်များ ဖြစ်သည်။
အလှူ ပြုခဲ့လျှင် အလှူပစ္စည်း၊ အလှူခံပုဂ္ဂိုလ် စသည်တို့ကို
မြင်ပြီး ဝက်သတ်ခဲ့ပါက သတ်ခဲ့သော ဝက်၊
အသုံးပြုခဲ့ သော တုတ်၊ ဓား လက်နက်များကို ပြန်မြင်ပါသည်။

■“ဂတိ နိမိတ်”ဆိုသည်ကား မိမိ ရောက်ရမည့်
ဘုံဌာန ဖြစ်သည်။
နတ်ဘုံရောက်မည့်သူက နတ်ဘုံနတ်နန်းများ၊
ငရဲ ရောက်မည့်သူက မီးလျှံများ၊ ခွေးနက်ကြီးများ၊
ပြိတ္တာဖြစ်မည့်သူက တောနက်ကြီး၊ မဲမှောင်နေသော
လိုဏ်ခေါင်းများ စသည် မြင်တတ်ပြီး လူ့ဘဝ၌
ပြန် ဖြစ်မည့်သူက နီရဲနေသော မိခင်၏ဗိုက်ဝမ်းရေ၊
မိမိ အမေတော်ရမည့် မိခင် စသည်များကို မြင်တတ်ကြ ပါသည်။

“လူဝင်စားဇာတ်လမ်း”
•••••••••••••••••••••••••
အထက်ပါ လူဝင်စားဇာတ်လမ်းသည်ကား
ဂတိ နိမိတ်ကို ယူနေခြင်းသာ ဖြစ်ကြောင်း
မဟာစည်ဆရာတော်ဘုရားကဖြေရှင်းထားပါသည်။
“အမေကို တွေ့တယ်၊ ရေခွက်ထဲဝင်လိုက်တယ်၊
ဗိုက်ထဲရောက်သွားတယ်” စသည်များသည် မသေခင်ကတည်းက
ဂတိ နိမိတ်ယူနေခြင်းဖြစ်သည်။ ဤသည်ကို သည်ဘဝ၌
ပြန်မှတ်မိ၍ ပြောနေနိုင်ခြင်းဖြစ်သည်။
“ဇာတိဿရဉာဏ် ရသည်” ဟု ပြောရပါမည်။
လူတိုင်းတော့ ဤဉာဏ် မရကြပါ။
အချို့ဆိုလျှင် ရှေ့ပိုင်းဘဝ အဖြစ်အပျက်များကိုပင်
ပြန်ပြောနိုင်ပေသည်။ ဤသည်ကို သဘောမပေါက်လျှင်
လိပ်ပြာ၊ ဝိညာဉ်လေး ဝင်လာသလို ထင်တတ်ပါသည်။

“ဒဏ်ရာ အမှတ်အသားများ”
••••••••••••••••••••••••••••••••
ရှိပါသေးသည်။ အချို့လူဝင်စားများမှာ ဟိုဘက် ဘဝမှ
“ဒဏ်ရာအမှတ်အသားများ” ဤမှာဘက်ဘဝသို့
ပါလာတတ်ကြပါသေးသည်။
ဤသည်ကို “ဆရာတော် ဒေါက်တာနန္ဒမာလာဘိဝံသ”က
ရှင်းပြထားပါသည်။ “စိတ်အစွဲကြောင့်” ဖြစ်ပါသည်။
ဟိုဘက်ဘဝမှ ဓား ခုတ်ဒဏ်ရာများ ပါလာခြင်း၊
ကြိုးတုပ် ရေနှစ်သတ် ခံရ၍ ကြိုးရာများ ပါလာခြင်းသည်
သူတို့ စိတ်ထဲ၌ မသေခင် အပြင်းအထန် ကြောက်လန့်၍
စိတ်စွဲပြီး သေခဲ့ကြ၍ ဖြစ်ပါသည်။
အချို့ မြင်ဖူး ကြားဖူးကြပေမည်။
“ရေနစ်သေလာသူသည် ဤဘဝ၌ ရေမြင်လျှင် ကြောက်နေခြင်း၊
မိမိရန်သူကို ဤဘဝ၌ ပြန်မြင်လျှင် အလိုလိုကြောက်နေခြင်း”
များသည် စိတ်စွဲလမ်းမှုများ ကြောင့် ဖြစ်ပါသည်။
ထိုစွဲလမ်းသည့်စိတ်က စိတ္တဇ ရုပ်ကို ပြန်ထုတ်လိုက်၍
ဤဘဝ၌ အမှတ်အသားများ ဖြစ်လာရခြင်း ဖြစ်ပါသည်။

စိတ်အစွဲအလမ်းသည် အလွန်ထူးဆန်းပေသည်။
ဖတ်ခဲ့ဖူးပါသည်။ လူတစ်ယောက်ကို အိပ်မွေ့ချ၍ အမိန့်ပေး၏။
မင်းကို သံပူနဲ့ ထိုးတော့မယ်နော် ဟု ပြောပြီး လက်ကို
အရာဝတ္ထုတစ်ခုနှင့် ဆတ်ခနဲ တို့ လိုက်၏။
ထိုအခါ အိပ်မွေ့ချခံရသူသည် အားခနဲ ထအော်လေ၏။
ထူးဆန်းစွာပဲ လက်ကို ထိလိုက်သော နေရာ၌
မီးလောင် အရည်ကြည်ဖု ထလာလေတော့၏။
ဤသည်မှာ “စိတ်အစွဲကြောင့် ဖြစ်လာသော အရည်ကြည်ဖု”
ဖြစ်သည်။ သူ၏စိတ်ထဲ၌ “ငါ့ကို မီး လောင်သွားပြီ” ဟု
အပြင်းအထန် ယုံကြည် ကြောက်လန့်သွား၏။
ထိုကြောက်စိတ်က အရည်ကြည်ဖုကို ဖြစ်ပေါ်စေခဲ့လေသည်။
စိတ္တဇရုပ်ဖြစ်ပေသည်။ ဗုဒ္ဓ ဝါဒနှင့် ကိုက်ညီပါသည်။
ဤမျှလောက်ဆိုလျှင် ဗုဒ္ဓဝါဒအရ ဘဝကူးပုံနှင့်
ကံ၊ စိတ်တို့၏လုပ်ဆောင်ချက်များကို နားလည်မည် ဟု
ထင်မြင်မိပါသည်။ ထိုသို့ နားလည်မှ ဗုဒ္ဓဘာသာ ဖြစ်ရကျိုးနပ်ပြီး၊
“အနတ္တတရား” ကို ခိုင်မြဲစွာ ယုံကြည်ရပါတော့သည်။ ။
-【စာရိုက်ပူဇော်သူ - Admin Team of
Young Buddhist's Association】
-【အရှင်ပညာသီရိ(ရမ္မာကျွန်း)】
Posted by►
www.facebook.com/youngbuddhistassociation.mm